لا إله إلا أنت سبحانك إنى كنت من الظالمين
لا حول ولا قوة إلا بالله العلى العظيم
سبحان الله وبحمده وسبحان الله العظبم
رامى وسعد واقفين مصدومين وسعيد فى لحظه حس انه مشلول فى مكانه رجليه مش قادر يتحرك ولا ينطق .. طول الوقت بيدعى ان بنته تقدر تحافظ على نفسها او تقاوم اى اغراء مهما إن كان
رامى : هجم عليهم الاتنين .. ومسك عمر من رقبته بغل واضح
كارما : بصريخ .. لا يا رامى سيبه
عمر قدر يفك ايد رامى .. وماسك ايده متبت عليهم كانه ها يكسرهم فى ايده
رامى : زق كارما برجله جااامد لدرجة انها بعدت مسافه كبيره ونزلت بقوتها على راسها ..وبيقول لها انتى تخرسى خالص
عمر : بصوت عالى ونرفزه .. انت الا جبته لنفسك ياغبى .. وضربه براسه كذا خبطه ورا بعض و وقع دايخ فى الارض .. وجرى على كارما الا راسها بتنزف وفاقده للوعى .. وبالهفه وخوف ظاهر عليه لدرجة ان عيونه دمعت لوحدها .. كارما حبيبتى فوقى .. وبيضم راسها لصدره بوجع .. كارما
رامى قام وزق عمر بغل وقعه وكانه لا شايف ولا حاسس هو بيعمل ايه .. وبتحذير لعمر اوعى ايدك تتمد عليها ها اقتلك فاهم
عمر : بعصبيه شوف اختك الاول وبعدين اعمل الا انت عايزه وبيقرب على كارما .. رامى بجنون واضح عليه جرى على المطبخ جاب سكينه .. وفى اللحظه دى اتدخل محى لما سمع دربكه كبيره بتحصل وقرر يدخل يشوف فى ايه .. مسك رامى وقدر يتملك منه
رامى : سيبنى خلينى اقتله ..سيبنى
عمر مش مهتم بأى حاجه غير كارما الا مرميه مفيش اى حاجه مأثره معاها وفاقده واعيها مش بتفوق
سعيد : اخيرا فاق من صدمته بعد ما شاف كمية الدم الا نازله من بنته .. وجرى على كارما خدها فى حضنه جااامد .. وبعياط قومى ياقلب ابوكى .. قومى وماتخافيش محدش ها يقدر يعملك حاجه .. وبدئو يجيبو برفن ويفوقو فيها وميه وبعد وقت كبيررررر
كارما بشهقه كبيررر .. وعياط بصوووت عالى
سعيد : ساعتها بس روحه اتردت له تانى .. وبيضمها والدم الا نازل من راسها غرق هدومه .. وحاطت ايده على الجرح الا فى راس بنته .. كوكو ياقلب ابوكى
كارما بتعيط وبتتدفس راسها فى صدر ابوها .. وبصوت مقطع .. با با … ما عملتش حاجه تسئ ليك
سعيد : اهدى يا حبيبتى اهدى وكل ما يحاول يقومها تقع منه
عمر : بعد اذنك ياعمى ها امسكها انا
سعيد : على الله ايدك تتمد عليها على الله .. وبيبص لرامى الا محى ماسكه .. وانت بطل جنان وتعالى امسك اختك
كارما : بشنهفه .. بابا
سعيد : حط ايده على راسها .. وبيقول لها هششش
رامى : قرب من كارما وماسكها بعنف بيقومها
سعيد بصوته كله : ومسك رامى من قميصه .. اتعدل بدال ما اعدلك اختك مش تمسكها براحه لا تشيلها فوق راسك
عمر : ممكن تسمعنى .. انا بردو ليا حق عليها وجوزها على سنة الله ورسوله
رامى : وربنا لو اختى فيها خدش لاقتلك .. جوز مين يالا صدقت نفسك والوهم الا انت فيه
سعيد : محى ياله عشان ترجعنا من مطرح ما جبتنا كلامى مع ادم مش معاه .. ورجع وبيكلم عمر .. انت مش ها تيجى معانا انت قاعد فى بيتك والطياره فى اى وقت ها تيجى تاخدك وسابو عمر لوحده فى الجزيره ومحى قاله انه عا يرجع ياخده ..
عمر قعد بإهمال وحط راسه بين ايده الاتنين .. مش قادر يفكر ولا قادر يتحمل عدم وجود كارما فى حياته قلع هدومه .. وراح رمى نفسه فى الميه فضل يعوم وقت كبيررر كانه بينتقم من نفسه ومن قربه منها ومش عايز يخرج من الميه …
*************
رامى وهو فى الطياره .. بيبص لاخته بصات مش مفهومه وكانه ماسك نفسه عنها بالعافيه وهى ماسكه فى ابوها مش عايزا تسيبه .. بعد وقت نزلو على المستشفى على طول خيطو الجرح الا بينزف وشربوها سوائل كتير ..وبعدين روحت
سميره : بشهقه كبيره .. بنتى ايه جرالك . وبتزعق فى اخوها وسعيد مين الا عمل فيها كدا
سعيد : بصوت يخوف ورعب رامى اكتر الا عمال يتأفف .. مش عايز اسمع ولا كلمه بدال ما اطربق البيت كله فى دماغكم .. ومسك كارما من دراعها وكانه اتحول لشخص تانى وخدها ودخل الاوضه وقفل عليهم ..
سميره : بتضرب رامى فى صدره ماتنطق وتفهمنى واختك لابسه كدا ليه
رامى قعد وحاسس انه مخنوق مش قادر يتكلم والدنيا كلها بوسعها بقت زى خرم الابره قدامه وسوده .. اخته بالنسبه له حاجه كبيره مش ها يقدر يتحمل اى حاجه ممكن تهنها او تكسر عنيها وعينهم هما كمان
سميره : ماتنطق يا رامى وبعصبيه اول مره رامى يشوفها .. اتكلم لأشق هدومى نصين .. انتو ايه مش حاسين بيا ليه
رامى خد امه فى حضنه وكأنه منتظر اللحظه دى وعيط بصوت مسموع .. تعب امه وقلقها أكتر
سميره اتعدلت ومسكته من دراعه .. هى اختك جرالها حاجه
رامى بعياط وبيهز راسه بنفى .. مش عارف .. والله ماعارف
سميره : هو الا ضربها كدا
رامى : لا انا الا ضربتها مش هو
سميره : بعدت عنه وحاطه ايدها على قلبها هاتموت من القهر والالم الا هى حسا بيه ومليون فكره وفكره بتودى وتجيب فى دماغها
………….
سعيد : قعد قدام كارما الا مكموشه فى نفسها ومش قادره تتكلم ولا تفكر فى الجنه الا كانت عايشه فيها وفجأه اتقلبت لكابوس .. وبوجع واضح على سعيد .. انتى بنتى الا دايما بفتخر بيها قدام الناس كلها .. ولو بررتى وقولتلى الا شوفته بعينى والوضع الا كنتى فيه دا جوزى ومن حقى ها اقولك انتى طول الوقت قدام عينى براءه بنت لا لها فى اللوع ولا عمرى شوفتها فى وضع كدا والا كدا .. بيجى لها بدال العريس الف .. تمشى فى المكان يقولو بنت سعيد الا بميت راجل .. اتخطفتى من حضنى وافضل مع ادم الا عمل المستحيل وجاب بدال المهندس اتنين وتلاته لحد ما خلصو صيانة الطياره وفرحت واتصلت على اخوكى الا طول الوقت بقوله انا مخلف بنت ساعة الجد بتبقى ب100 راجل اروح الاقيكى بالمنظر دا وفى حضنه وكمان وماقدرش يكمل كلامه ..
كارما : بعياط .. والله يابابا عمر طيب مش وحش وطول الفتره الا فاتت دى ماجاش جمبى وكان خايف عليكو برغم ابوه المجنون دا وبعدين بتعجب هو انت تعرف ابوه منين هو ادم الا انت كنت بتحكى عنه ايوا اسمه ادم
سعيد : مش مهم دلوقتى اعرف ابوه منين .. طمنينى وقوليلى انه ما لمسكيش ولسا بنتى حبيبتى زى ما انتى
كارما : مسكت ايده باستها .. والله يا بابا زى ما انا بنتك حبيبتك ولا يمكن كنت ها افرط فى نفسى ابدا ولا اكسرك قدام حد
سعيد براحه .. حط ايده على راسها .. ومسد على ضهرها .. وسابها وقام وقفل باب الاوضه بتاعتها .. واتفاجئ بمنظر الاتنين الا قاعدين جمب بعض .. راح على عمر . مسكه من هدومه وبعنف ..
سعيد : عارف لو كان اختك جرالها حاجه كنت خليتك حصلتها .. انا لسا عايش يالا واوعى تنسى نفسك الكلمه كلمتى هنا وانا اقول ايه الا يتم او لاء وبيزقه غور من قدامى
رامى : هو انت زعلان انى خايف على اختى
سعيد : تخاف على اختك مش تقتل اختك ولا تمد ايدك عليها زيها زيك .. كام مره قولتلك افهم قبل ما تتصرف
رامى : بعصبيه افهم ايه وهى بالمنظر دا وفى حضنه وبيبوسها
سميره بشهقه وحطت ايدها على بوقها : انت بتقول ايه وبتبص لسعيد افتحلى الاوضه خلينى أطمن على بنتى
سعيد : بنتك زى الفل أطمنى والاوضه تفضل مقفوله لحد ما ارجع
رامى : بجد يا بابا .. احلف انها
سعيد : انت شكلك اتجننت على الاخر .. بقولك اختك زى الفل تقولى أحلف ..ومشى من قدامهم ونزل على طول
*************
ادم : يعنى ايه يامحى
محى : يا باشا زى ما قولتلك وانا وصلته للمستشفى بنفسى ورايح أجيب عمر باشا
ادم بقلق : ابنى جراله حاجه وكارما كويسه والا لاء
محى : لا اطمن زى الفل الاتنين ماشاء الله عليه عمر ياكل عشر رجاله لوحده
ادم : الله اكبر يا محى الله اكبر ماعنديش غيره ساعة زمن تكون قدامى بعمر هنا مش عايز تأخير
محى : امرك يا باشا .. وفعلا اتحرك وفى ظرف ساعه كان راح جاب عمر من على الجزيره ورجع بيه لادم الا رجع بيته وخرج من المستفشى لانه اتحسن او محبش ابنه يشوفه كدا
ادم : فارد ايده .. تعالى فى حضنى
عمر من غير تفكير .. دخل فى حضن ادم الا قاعد على الكنبه اد ايه محتاجه جمبه اول مره يحس بالضعف واول مره يحس ان فى مشكله كبيره فى حياته خايف او ها يموت من الخوف لو ما اتحلتش وحضن ادم دافى وجميل فعلا اب بمعنى الكلمه حنيه واحساس
اتكلم بعد صمت .. ليه بعت ابوها واخوها
ادم : سامحنى وماتزعلش كل حاجه ها تتحل
عمر : علقتنى بيها وخدتها من حضنى ليه
ادم : محدش ها يقدر ياخد مراتك منك وعدل عمر وبيبص له انت عملت ايه
عمر : اتحرج جدا .. وبيتوه فى الكلام
ادم : يا واد قولى
عمر : ها اعمل ايه يعنى وابتسم كنا بنرقص
ادم : ضحك .. حبكت ترقص دلوقتى .. الايام الا فاتت دى ماكنش ينفع ترقص فيها .. ورفع حاجب وعملت ايه تانى .. واوعى تكدب عليا
عمر : بإنكار معملتش حاجه ولو الا فى بالك فيه مفيش اى حاجه حتى لو ها تزعل
ادم : متاكد
عمر : ايوا متاكد
ادم : هو انت شربت عصير
عمر : بيخبط على ايده .. اه قولتلى يعنى كنت متعمد تودينى فى داهيه.. اشرب والجنان يشتغل
ادم : هههههههههههههه شكلك شربته وسعيد ها يقطع علاقته بيا
عمر : انا شربت مقلب .. وبعدين بصله بأنتباه .. هو انت عارف ابوها
ادم : تخيل اغلى واجدع واحد عرفته فى حياتى
عمر : والله كويس .. بص يا باشا
ادم : انا ابوك وما اسمعش غير بابا منك
عمر : التحليل ظهر
ادم : ايوا وزى ما قولتلك ابوك وشده فى حضنه بقوه .. وبيحضنه بشوق من تانى .. يعنى انت ابنى ولى العهد ..انت عمر ادم
عمر بادله الحضن : واتعدل وباس راسه وايده .. ها تسامح امى وابويا
ادم : ها اسامحهم عشانك انت وبردو مش عايز اسمع منك ان دول ابوك امك .. انا ابوك وبيشاور على صوره لامه وهى دى أمك .. ولسا ماكملش احد الخدم دخل عليه.. سعيد بيه برا ادخله
ادم : انت لسا بتسأل دا فى اى وقت يدخل .. ودخل سعيد واتفاجئ بعمر ماكنش عايز يشوفه
سعيد : بجمود السلام عليكم
ادم وعمر : وعليكم السلام ورحمة الله وبركاته
سعيد : عايز اتكلم معاك يا ادم لوحدنا
عمر : عمى اسمعنى
سعيد : مليش كلام معاك .. واعمل حسابك ها تطلق بنتى
عمر : انت بتقول ايه .. طلاق مش ها اطلق هو انا لعبه فى ايد الكل
سعيد : لعبه فى ايده هو احنا اتجبرنا عليك .. وانا محدش يفرض عليا حاجه
ادم : روح يا عمر دلوقتى .. بس خليك هنا ما تمشيش سبنى مع عمك وحماك وبيتكا على حماه قوى
عمر : بعد اذنكم وخرج برا ..
ادم : اقعد يا سعيد
سعيد : انا قولتلك ها تخسرنى يا ادم لو لمس شعره واحده من بنتى
ادم : فارد ايده هو الواد ياعينى عمل حاجه .. وكمان وربنا الواد دا مؤدب انا مش عارف طالع مؤدب كدا لمين
سعيد : كنت عايزه يعمل ايه ها عشان اشربلك من دمه
ادم بيضحك : وربنا ما تقدر دا انت نفسك تاخده فى حضنك
سعيد : بيضرب ادم بايده يا راجل بطل استفزاز فيا طول عمرك بارد ومستفز
ادم : بيزق سعيد .. انا لو بصحتى كنت اديتك علقه من بتوع زمان .. فاكر والا افكرك
سعيد : زى ما انت اقلب اى موضوع هزار
ادم : يا راجل وربنا شارى خاطرك .. وعمرك ما ها تلاقى زى عمر .. حافظ عليها والا لاء
سعيد بعصبيه : بامارة الفستان الا كانت لابساه ولازق فيها ماصدق اول مره يشوف بنت فى حياته
ادم : هههههههه بيرقص دا انت رخم ما تسيبه يرقص مراته .. مراته ياقفل .. اقعد عشان نتفق
سعيد : مش قبل ما انشف ريقه وربنا لو ما سمعت كلامى المره دى ما ها يشوفها
ادم : خلاص يخربيت قفلة مخك .. اهدى وقولى هديت
سعيد بيبص لادم بنص عين وبيتخن صوته : هديت
ادم : الحمد لله تعالى عرفنى بقى ناوى على ايه
بقلم لبنى طارق
